“Prava”ni yangisiga almashtirishni onlayn qilish rejalashtirilmoqda

 

Adliya vaziri Ruslanbek Davletovning maʼlum qilishicha, haydovchilik guvohnomalarini yangilariga almashtirish jarayonini elektron tizimga o‘tkazish rejalashtirilmoqda. Asosiy muammo imzo qo‘yish bilan bog‘liq bo‘lib, shuni bekor qilish ustida ishlanmoqda.

 

“Agar yangi tartib joriy qilinsa, davlat xizmatlari markaziga kelish shart bo‘lmaydi. Kelmanglar ham deymiz, qabul ham qilmaymiz, faqat elektron ravishda qabul qilamiz. Tayyor guvohnomani esa pochta orqali berib yuboramiz”, – deydi vazir.