Адлия вазири Русланбек Давлетовнинг маълум қилишича, ҳайдовчилик гувоҳномаларини янгиларига алмаштириш жараёнини электрон тизимга ўтказиш режалаштирилмоқда. Асосий муаммо имзо қўйиш билан боғлиқ бўлиб, шуни бекор қилиш устида ишланмоқда.
“Агар янги тартиб жорий қилинса, давлат хизматлари марказига келиш шарт бўлмайди. Келманглар ҳам деймиз, қабул ҳам қилмаймиз, фақат электрон равишда қабул қиламиз. Тайёр гувоҳномани эса почта орқали бериб юборамиз”, – дейди вазир.