Vladimir Putin yangi, beshinchi prezidentlik muddati uchun o‘z nomzodini qo‘yishini maʼlum qildi. Bu haqda u Kremlda “Rossiya Qahramonlari”ni taqdirlash marosimidan so‘ng maʼlum qildi.
“RIA Novosti”ning xabar berishicha, bu haqda Putin Ukrainadagi urush ishtirokchisi, o‘zini o‘zi mustaqil deb eʼlon qilgan Donesk Xalq Respublikasi parlamenti spikeri Artem Jogaga maʼlum qilgan.
“Prezident nomzodni ko‘rsatish borasidagi bizning iltimosimizni eshitganidan juda xursandmiz, butun Rossiya uni qo‘llab-quvvatlaydi”, — dedi Joga jurnalistlarga.
Maʼlumot uchun: 7 dekabr kuni Federatsiya kengashi navbatdagi prezidentlik saylovini 2024 yil 17 martga belgiladi. Rossiya Markaziy saylov komissiyasi 2024 yilgi prezident saylovini uch kun davomida: 15—17 mart kunlari o‘tkazish to‘g‘risida qaror chiqargan.