Ko’chki xavfi e'lon qilinganligi tufayli bugun, 12-mart kuni soat 9:00 dan boshlab Xalqaro avtomobil yo‘lining “Qamchiq” dovoni avtomobillar harakati uchun vaqtincha yopilgan edi.
Favqulodda vaziyatlar vazirligi tegishli xizmatlar bilan hamkorlikda olib borilgan amaliy harakatlarni muvofiqlashtirib bordi.
Amalga oshirilgan zaruriy tadbirlar natijasida soat 18:00 da “Qamchiq” dovoni avtomobillar harakati uchun qayta ochildi.
Gidrometeorologiya xizmatining ma’lum qilishicha, hozirda dovondagi vaziyat barqarorlashgan.