Кўчки хавфи эълон қилинганлиги туфайли бугун, 12-март куни соат 9:00 дан бошлаб Халқаро автомобил йўлининг “Қамчиқ” довони автомобиллар ҳаракати учун вақтинча ёпилган эди.
Фавқулодда вазиятлар вазирлиги тегишли хизматлар билан ҳамкорликда олиб борилган амалий ҳаракатларни мувофиқлаштириб борди.
Амалга оширилган зарурий тадбирлар натижасида соат 18:00 да “Қамчиқ” довони автомобиллар ҳаракати учун қайта очилди.
Гидрометеорология хизматининг маълум қилишича, ҳозирда довондаги вазият барқарорлашган.