Bugun, 23-mart kuni Qamchiq dovonida yuk avtomashinasi yonib ketdi. Bu haqda Favqulodda vaziyatlar vazirligi maʼlumot berdi.
Holat soat 16:55 da A-373 avtomobil yo‘lining Qamchiq dovonidan o‘tgan 255-kilometrida yuz bergan. Vodiy-Toshkent yo‘nalishi bo‘yicha harakatlangan, kalava ip ortilgan IVEKO rusumli yuk mashinasining kabinasida yuzaga kelgan qisqa tutashuv sabab yong‘in kelib chiqqan.
Voqea joyiga 2 ta yong‘in-qutqaruv ekipaji yetib borib, yong‘inni bartaraf etishgan.
Hodisa oqibatida tan jarohati olgan va halok bo‘lganlar yo‘q.