Бугун, 23 март куни Қамчиқ довонида юк автомашинаси ёниб кетди. Бу ҳақда Фавқулодда вазиятлар вазирлиги маълумот берди.
Ҳолат соат 16:55 да А-373 автомобиль йўлининг Қамчиқ довонидан ўтган 255-километрида юз берган. Водий-Тошкент йўналиши бўйича ҳаракатланган, калава ип ортилган IVEKO русумли юк машинасининг кабинасида юзага келган қисқа туташув сабаб ёнғин келиб чиққан.
Воқеа жойига 2 та ёнғин-қутқарув экипажи етиб бориб, ёнғинни бартараф этишган.
Ҳодиса оқибатида тан жароҳати олган ва ҳалок бўлганлар йўқ.