Bugun, 21-mart kuni Qamchiq dovonida neft mahsuloti ortilgan maxsus yuk mashinasi ag‘darilib ketdi. Holat yuzasidan Favqulodda vaziyatlar vazirligi maʼlumot berdi.
Qayd etilishicha, A-373 avtomobil yo‘lining Qamchiq dovoni qismidan o‘tgan 198-kilometrida MAN rusumli neft mahsulotlari ortilgan yuk avtomobili ishtirokida yo‘l-transport hodisasi sodir bo‘lgan. Yong‘in yuz bermagan.
Zudlik bilan voqea joyiga FVVning 3 ta maxsus texnikasi yetib borib, YPX xodimlari hamkorligida hodisa oqibatlari bartaraf etilmoqda.