Bugun, 8-aprel kuni “Qamchiq” dovonida yuk avtomobili ishtirokida yo‘l-transport hodisasi sodir bo‘ldi. Holat yuzasidan Favqulodda vaziyatlar vazirligi maʼlumot berdi.
Hodisa soat 19:50 da A-373 avtomobil yo‘lining “Qamchiq” dovoni qismidan o‘tgan 258-kilometrida yuz bergan. Toshkent–vodiy yo‘nalishida harakatlangan Mercedes-Benz haydovchisi boshqaruvni yo‘qotishi oqibatida YTHga uchragan.
Voqea joyiga zudlik bilan FVV qutqaruvchilari yetib borib, maxsus texnikalar yordamida hodisa oqibatlarini bartaraf etish ishlari amalga oshirgan. Hodisa sababli tan jarohati olgan va halok bo‘lganlar yo‘q.
Hozirda dovon yo‘lida ikki tomonlama harakat davom etmoqda.