Kanada mudofaa vaziri Anita Anand Ukrainaga navbatdagi harbiy yordam partiyasi yuborilganini maʼlum qildi.
“Kanadaning navbatdagi harbiy yordami Ukrainaga yo‘l oldi. Biz Ukrainani qancha vaqt kerak bo‘lsa, qo‘llab-quvvatlaymiz”, — deb yozadi Anand.
Shuningdek, u Ukrainaning An-124 yuk samolyotiga zirhli qutqaruv mashinalari yuklangani aks etgan videoni ham joylashtirdi.
Eslatib o‘tamiz, avvalroq Kanada Ukrainaga Leopard-2 partiyasini jo‘natgani xabar qilingandi. Bungacha Anita Anand Ukrainaga yangi harbiy yordam paketi taqdim etilishini eʼlon qilgan.