Joriy yilning 20-noyabr kuni Qarshi shahri Mahallot mahallasi Ahmad Yassaviy ko‘chasida joylashgan uyda ijarada yashab kelayotgan qiz vafot etdi. Bu haqda “Nasafnews” xabar berdi.
Maʼlum bo‘lishicha, 2005-yilda tug‘ilgan qizning jasadi hammomdan topilgan. U is gazidan zaharlangani aytilmoqda.
Marhuma Koson tumanida istiqomat qilgan. Qarshi shahridagi o‘quv markazida tahsil olish uchun Mahallot mahallasidagi xonadonda ijarada yashagan.
Qashqadaryo viloyat prokuraturasi xabar qilishicha, hozirda holat yuzasidan Qarshi shahar prokuraturasi tomonidan tergovga qadar tekshiruv harakatlari olib borilmoqda.