Жорий йилнинг 20 ноябрь куни Қарши шаҳри Маҳаллот маҳалласи Аҳмад Яссавий кўчасида жойлашган уйда ижарада яшаб келаётган қиз вафот этди. Бу ҳақда «Nasafnews» хабар берди.
Маълум бўлишича, 2005 йилда туғилган қизнинг жасади ҳаммомдан топилган. У ис газидан заҳарлангани айтилмоқда.
Марҳума Косон туманида истиқомат қилган. Қарши шаҳридаги ўқув марказида таҳсил олиш учун Маҳаллот маҳалласидаги хонадонда ижарада яшаган.
Қашқадарё вилоят прокуратураси хабар қилишича, ҳозирда ҳолат юзасидан Қарши шаҳар прокуратураси томонидан терговга қадар текширув ҳаракатлари олиб борилмоқда.