Qashqadaryo viloyatida ijtimoiy himoyaga muhtoj, ehtiyojmand oilalar farzandlari bo‘lgan talaba qizlarning oliy ta’lim olishini qo‘llab-quvvatlash bo‘yicha muhim qaror qabul qilindi. Viloyat hokimi Murotjon Azimov tomonidan imzolangan qaror talaba qizlarning ta’lim olishiga keng imkoniyat yaratishga qaratilgan.
Qarorga ko‘ra, ota-ona qaramog‘idan mahrum bo‘lgan, yetim yoki ijtimoiy jihatdan himoyaga muhtoj oilalarda voyaga yetgan 134 nafar talaba qizning oliy ta’lim muassasalarida o‘qishi uchun to‘lov-shartnoma pullari qoplab beriladi.
Mazkur maqsadlar uchun viloyat byudjetidan qariyb 1 milliard 128 million so‘m mablag‘ ajratilgan. Bu yordam talaba qizlarning o‘qishni davom ettirishi va kelajakda malakali mutaxassis bo‘lib yetishishiga xizmat qiladi.
Ta’kidlanishicha, bunday tashabbuslar hududda xotin-qizlarning bilim olishi, ijtimoiy faolligini oshirish va teng imkoniyatlarni ta’minlashga qaratilgan tizimli ishlarning muhim qismi hisoblanadi.