Qashqadaryo viloyati Kasbi tumanida o‘zi va farzandlarining joniga qasd qilmoqchi bo‘lgan ayol qutqarib qolindi.
Inspektorning so‘zlariga ko‘ra, tumanning “Fazli” qishloqda yashovchi ayol X.S. o‘z yashash uyidan 3 nafar voyaga yetmagan farzandlarini olib chiqib ketgan. Uydan chiqishidan avval ayol turmush o‘rtog‘i U.M. bilan o‘zaro janjallashib qolgan. So‘ng holatdan xabar topgan hudud profilaktika inspektori qidiruv ishlarini boshlagan.
Aniqlanishicha, ayol Qarshi tumani va Qarshi shahri chegarasidan oqib o‘tuvchi Qarshi magistral kanaliga borgan va o‘zini suvga tashlagan. Inspektor va ayolning akasi uni zudlik bilan suvdan olib chiqib, yordam ko‘rsatgan. Hozirda ayol va bolalarning ahvoli yaxshi. Hozirda tuman prokuraturasi tomonidan tergovga qadar tekshiruv harakatlari olib borilmoqda.
