Қашқадарё вилояти Касби туманида ўзи ва фарзандларининг жонига қасд қилмоқчи бўлган аёл қутқариб қолинди.
Инспекторнинг сўзларига кўра, туманнинг «Фазли» қишлоқда яшовчи аёл Х.С. ўз яшаш уйидан 3 нафар вояга етмаган фарзандларини олиб чиқиб кетган. Уйдан чиқишидан аввал аёл турмуш ўртоғи У.М. билан ўзаро жанжаллашиб қолган. Сўнг ҳолатдан хабар топган ҳудуд профилактика инспектори қидирув ишларини бошлаган.
Аниқланишича, аёл Қарши тумани ва Қарши шаҳри чегарасидан оқиб ўтувчи Қарши магистраль каналига борган ва ўзини сувга ташлаган. Инспектор ва аёлнинг акаси уни зудлик билан сувдан олиб чиқиб, ёрдам кўрсатган. Ҳозирда аёл ва болаларнинг аҳволи яхши. Ҳозирда туман прокуратураси томонидан терговга қадар текширув ҳаракатлари олиб борилмоқда.
