Ijtimoiy tarmoqlarda Qashqadaryo viloyatining Nishon tumanida erkak istirohat bog‘idagi attraksiondan tushib ketgani aks etgan video tarqaldi. Holat yuzasidan viloyat IIB axborot xizmati xabar berdi.
Holat 8 may kuni soat 19:30 larda Nuriston shaharchasidagi istirohat bog‘ida yuz bergan. Nishon tumani “Nurchi” yashovchi fuqaro U.N. o‘rtoqlari bilan “Drakon” attraksionida uchayotgan vaqtda ro‘parasidagi o‘rindiqqa o‘tish uchun joyidan turgan va ehtiyotsizligi oqibatida yiqilib tushgan.
Oqibatda U.N.ning o‘ng qo‘li sinib, Nishon tuman markaziy shifoxonasiga murojaat qilgan. Fuqaro shifoxonada davo muolajalari olib, uyiga chiqib ketgan.
Hozirda holat yuzasidan Nishon tuman IIB tomonidan surishtiruv ishlari olib borilmoqda.