Bugun, 16 iyul kuni soat 14:40larda Ko‘kdala tumani, “Oltindala” MFY hududida joylashgan gaz to‘ldirish stansiyasida portlash sodir bo‘lib, katta yong‘in kelib chiqdi.
FVV xabariga ko‘ra, gaz to‘ldirish stansiyasida ro‘y bergan portlash oqibatida 4 nafar fuqaro vafot etgan.
Zamon.uz’ga ma’lum bo‘lishicha, yana 24 nafar odam tuman shifoxonasiga tan jarohatlari bilan yotqizilgan. Ularning 4 nafari o‘ta og‘ir, 6 nafari esa og‘ir ahvolda ekani aytilmoqda.
Hozirda portlash va yong‘inning kelib chiqish sabablari o‘rganilmoqda.