Бугун, 16 июль куни соат 14:40ларда Кўкдала тумани, “Олтиндала” МФЙ ҳудудида жойлашган газ тўлдириш станциясида портлаш содир бўлиб, катта ёнғин келиб чиқди.
ФВВ хабарига кўра, газ тўлдириш станциясида рўй берган портлаш оқибатида 4 нафар фуқаро вафот этган.
Zamon.uz’га маълум бўлишича, яна 24 нафар одам туман шифохонасига тан жароҳатлари билан ётқизилган. Уларнинг 4 нафари ўта оғир, 6 нафари эса оғир аҳволда экани айтилмоқда.
Ҳозирда портлаш ва ёнғиннинг келиб чиқиш сабаблари ўрганилмоқда