Qirg‘izistonning Botken viloyatida uzoq yillardan buyon qotillik, o‘g‘irlik va talon-tarojlar bilan shug‘ullangan jinoiy guruh qo‘lga olindi, deya xabar bermoqda Ichki ishlar vazirligi. Guruh rahbari sifatida “Musa” laqabli shaxs faoliyat yuritgan.
Qo‘lga olingan shaxslarning uylarida qo‘lbola revolyverlar va giyohvand moddalar topilgan. Shu bilan birga, politsiya xabariga ko‘ra, ular yoshlar orasida “o‘g‘rilar hayoti” mafkurasini targ‘ib qilish bilan ham shug‘ullangan.
Hozirda tergov ishlari davom etmoqda va qo‘lga olingan guruh a’zolariga nisbatan jinoyat ishlari ochilgan. Ichki ishlar vazirligi aholiga xavfsizlik choralarini oshirishni va har qanday shubhali harakatlarni darhol xabar qilishni tavsiya qilmoqda.