Farg‘ona viloyati Qo‘qon shahrida 1 kg “gashish” giyohvand moddasini 13 000 AQSH dollariga sotayotgan shaxs qo‘lga olindi. Bu haqda viloyat IIB axborot xizmati xabar berdi.
O‘tkazilgan tezkor tadbir davomida Buvayda tumani Yangiqo‘rg‘on shaharchasida yashovchi T.D Qo‘qon shahar hamda Dang‘ara tumaniga tutash A 373 “Toshkent-Farg‘ona” katta yo‘li yoqasida 1 kg “gashish” giyohvandlik moddasini 13 000 AQSH dollori evaziga sotayotgan vaqtida tadbir ishtirokchilari tomonidan ushlangan.
Mazkur holat yuzasidan T.D.ga nisbatan Jinoyat kodeksining 273-moddasi 5-qismi bilan jinoyat ishi qo‘zg‘atilib, dastlabki tergov harakatlari olib borilmoqda.