Beruniy tumanida 65 nafar fuqaroning nomiga miqroqarz olgan firibgarlar aniqlandi
Bosh prokuraturasi huzuridagi Iqtisodiy jinoyatlarga qarshi kurashish departamentining xabar berishicha, respublikadagi banklardan birining murojaatiga asosan o‘tkazilgan tergovga qadar tekshiruvda “B.R.” MCHJ rahbari va boshqalar 65 nafar fuqaroning xabardorligisiz soxta maʼlumotlar orqali ularning nomiga bank sotuv shoxobchalari orqali jami 981,5 mln so‘m onlayn miqroqarz ajratilishiga erishib, ushbu mablag‘larni firibgarlik yo‘li bilan qo‘lga kiritgani aniqlangan.
Hozirda mazkur holat yuzasidan Jinoyat kodeksining 168-moddasi (firibgarlik) va 228-moddasi (hujjatlar, shtamplar, muhrlar, blankalar tayyorlash, ularni qalbakilashtirish, sotish yoki ulardan foydalanish) bilan jinoyat ishi qo‘zg‘atilib, tergov harakatlari o‘tkazilmoqda.