Qozog‘iston poytaxti Ostonada Markaziy Osiyodagi ilk spot Bitcoin ETF — Fonte Bitcoin Exchange Traded Fund OEIC PLC (BETF) savdosi boshlandi. Uni Fonte Capital Ltd boshqaradi va har bir aksiyasi jismonan bitkoin bilan ta’minlangan.
AIX (Astana International Exchange) ma’lumotiga ko‘ra, aktivlar AQShning BitGo Trust kastodiani tomonidan sovuq oflayn saqlash tizimida himoyalanadi va 250 million dollargacha sug‘urtalangan.
AIX vakillari bu qadamni Qozog‘iston kapital bozorida yangi sahifa ochishi va mamlakatni tartibga solingan raqamli moliya markaziga aylantirishdagi muhim bosqich sifatida baholadi.
Jamg‘arma Ostona xalqaro moliyaviy markazi (AIFC) tomonidan boshqariladi. AIFC allaqachon raqamli aktivlar uchun huquqiy bazani yaratib, litsenziyalangan birjalar, kastodianlar va investitsiya mahsulotlariga ruxsat bergan.
Fonte Capital BETF’ni “yuqori darajadagi nazorat va ishonchlilikni saqlagan holda portfelga bitkoin qo‘shishning qulay usuli” sifatida ta’rifladi.