Qozog‘istonning “KazGrain” eksportchilar milliy assotsiatsiyasi rahbari Zeynolla Abdumanapov O‘zbekistonga avtomobil orqali bug‘doy eksportini cheklashni taklif qilmoqda. Bu haqda u ijtimoiy tarmoqdagi sahifasida ma’lum qildi, deya xabar bermoqda APK-Inform nashri.
“Hukumat tomonidan Rossiyadan avtomobil yoʻllari orqali bugʻdoy olib kirishni taqiqlash choralari koʻrilganiga qaramay, yaqinda biz Rossiyadan vagonlar Turkiston viloyatiga qanday kirib, ’Kamaz‘larga qayta yuklanib, Oʻzbekistonga eksport qilinayotganiga guvoh boʻldik. Bu bug'doyning qanday qonuniy ravishda eksport qilinishini kim nazorat qiladi? Shuni ta'kidlash kerakki, bu arzon rus bug'doyi Qozog'iston bug'doyining butun eksportini buzadi. Shu munosabat bilan ushbu masalani kun tartibiga qo‘yish va Qozog‘istondan O‘zbekistonga avtomobil orqali bug‘doy eksportini cheklashni ko‘rib chiqish zarur, deb hisoblayman”, — dedi “KazGrain” rahbari.
APK-Inform nashri xabariga ko'ra, Qozog'istonda bug'doy narxi pasayishda davom etmoqda. Bunga asosiy sabab qilib eksportchilar tomonidan talabning pastligi, shuningdek, mavsumiy omillar ko'rsatilgan. Qozog‘iston qayta ishlovchilar ittifoqi ma’lumotlariga ko‘ra, Rossiya bug‘doyining kontrabandasi tufayli respublika har yili 500 million dollarga yaqin zarar ko‘radi.