Kecha, tunda Qozog‘istonning Qarag‘anda viloyatidagi Kostenko konida portlash sodir bo‘ldi. Mahalliy Tengrinews nashri bergan ma’lumotga ko‘ra, shaxtada 252 nafar konchi ishlayotgan bo‘lgan. Ulardan 205 nafari yer yuzasiga olib chiqilgan. Qutqarib olingan ishchilardan 18 nafari shifokor yordamini olgan bo‘lsa, hodisa joyidan yana 31 nafar bedarak yo‘qolgan konchi qidirilmoqda.
Dastlabki ma’lumotlarga ko‘ra, portlash gaz sababli kelib chiqqan. Qozog‘iston Bosh prokuraturasi holat yuzasidan mamlakat Jinoyat kodeksining 277-moddasi 3-qismi bilan jinoyat ishi qo‘zg‘atgan.