Tarqalgan xabarlarga ko‘ra, Rahmon og‘ir xastalikdan vafot etgan. Shunday xabarlar tarqalgan vaqtda Xitoy samolyoti Dushanbega kelib qo‘ngan. Biroq samolyot nega kelgani haqida ma’lumot berilmadi. Ayrim manbalar esa Rahmon dam olish uchun Xitoyning Xaynan oroliga borganini aytgan. Ammo bu xabarlarga hukumat rasmiy munosabat bildirmadi. Ammo 14-fevral kuni Osiyo infratuzilma investitsiya banki rahbari Zou Jiayi bilan muzokaralar olib borgan.
15-fevral kuni esa Xitoy rahbari Si Jinpinni an’anaviy yangi yil bayrami bilan tabriklagan video murojaatini prezident matbuot xizmati e’lon qildi.
G‘arb nashrlariga ko‘ra, avvallari prezident matbuot xizmati Rahmonning xorijiy davlat rahbarlariga yo‘llagan tabriklarini odatda yozma shaklda e’lon qilib kelgan. Video tabriklar esa kamdan-kam berilgan. Shu sabab ko‘pchilik yangi videomurojaatni Rahmon sog‘lig‘i haqidagi mish-mishlarni rad etishga qaratilgan qadam sifatida baholamoqda.
Hozir 74 yoshga kirgan Emomali Rahmon 1992-yildan buyon Tojikistonni boshqarib kelmoqda.
Mamlakat Konstitutsiyasiga ko‘ra, agar Tojikiston prezidenti vaqtincha yoki doimiy ravishda o‘z vazifasini bajara olmasa, davlat rahbarligi Milliy Majlis raisiga o‘tadi. Hozir bu lavozimni Rahmonning o‘g‘li — Rustam Emomaliga tegishli.