Checheniston rahbari Ramzan Qodirov respublika rahbari lavozimini tark etish niyatida emasligini va yaqin orada “cheksiz ta’til”ga chiqmasligini aytdi.
“Albatta, bunday ketishga haqqim yo‘q, xalq menga rahbarlikni ishonib topshirgan, bu ishonchni oqlash mening muqaddas burchimdir", - degan u.
Shanba kuni Qodirov ijtimoiy tarmoqlarda Checheniston rahbari sifatida “juda uzoq vaqt qolgani” va “cheksiz” ta’tilga loyiq ekanligini aytgani ortidan turli gap-so'zlar tarqalgan edi. 4-sentabr kuni Rossiya Federatsiyasi prezidenti matbuot kotibi Dmitriy Peskov Kreml Qodirovning Chechenistonni boshqarishda davom etishi tarafdori ekanini aytgan.