Rossiya Davlat dumasining chechenistonlik deputati Odam Delimxanovning xabar berishicha, Ramzan Qodirovning o‘g‘li Odam Qodirovga "Checheniston qahramoni" unvoni berildi.
Avvalroq, Odam Qodirov Qur’onni yoqqani uchun hibsga olingan Nikita Juravelni tergov izolyatorida kaltaklagandi.
Eslatib o‘tamiz, Rossiya Prezidenti Vladimir Putin Qodirovning rafiqasi Medni Qodirovaga 13 farzand ko‘rgani uchun “Qahramon ona” unvonini topshirgan.
Shuningdek, joriy yilning 4-sentabr kuni Putin Checheniston rahbarining 24 yoshli qizi Ayshat Qodirovani ham II darajali “Vatan oldidagi xizmatlari uchun” ordeni bilan taqdirlagandi.