Muborak oyga sanoqli kunlar qoldi. Shu munosabat bilan Shavkat Mirziyoyev Raqobat qo‘mitasiga bozorlar narx-navosining barqarorligini ta’minlashni buyurdi. Qo‘mita esa ijtimoiy muhim oziq-ovqat mahsulotlari narxlarini oshirmaslikni so‘rab, yirik savdo tarmoqlari va savdo komplekslarini ogohlantirdi. Tadbirkorlar narxni o‘zgartiradigan omillar haqida qo‘mitaga xabar berishi kerak.
“Ramazon oyiga arafasida keskin talab oshadigan ijtimoiy muhim oziq-ovqat mahsulotlari narxlari barqarorligini ta’minlash bo‘yicha chakana savdo tarmoqlari va hududlardagi savdo komplekslariga yetkazib beruvchi korxonalar tomonidan narxlarni o‘zgartirishi, logistika xarajatlari va boshqa narxning oshishiga olib kelishi mumkin bo‘lgan omillar to‘g‘risida Qo‘mitani tezkor xabardor qilib borish, hamda yetkazib beruvchilarni asossiz narxlarni oshirishga yo‘l qo‘ymaslik yuzasidan ogohlantirib borishlari bo‘yicha ko‘rsatmalar yuborildi,” deyiladi qo‘mita axborotida.