Rim papasi Fransisk 13-15 sentabr kunlari davlat tashrifi bilan Qozog‘istonga keladi. Bu haqda Qozog‘iston rahbari matbuot xizmati xabar berdi.
“Prezident Qosim Jomart Toqayevning taklifiga binoan Rim papasi Fransisk 13-15-sentabr kunlari davlat tashrifi bilan Qozog‘istonda bo‘ladi”, — deyiladi xabarda.
Tashrif doirasida mamlakat oliy rahbariyati bilan uchrashuvlar o‘tkazish, shuningdek, Jahon va an’anaviy dinlar yetakchilarining VII qurultoyida ishtirok etish rejalashtirilgan. Avvalroq qurultoyning asosiy mavzusi pandemiyadan keyingi davrda insoniyatning ma’naviy-ijtimoiy taraqqiyotida diniy yetakchilarning roli bo‘lishi haqida xabar berilgan edi.