Рим папаси Франсиск 13-15 сентябрь кунлари давлат ташрифи билан Қозоғистонга келади. Бу ҳақда Қозоғистон раҳбари матбуот хизмати хабар берди.
“Президент Қосим Жомарт Тоқаевнинг таклифига биноан Рим папаси Франсиск 13-15 сентябрь кунлари давлат ташрифи билан Қозоғистонда бўлади”, — дейилади хабарда.
Ташриф доирасида мамлакат олий раҳбарияти билан учрашувлар ўтказиш, шунингдек, Жаҳон ва анъанавий динлар етакчиларининг ВИИ қурултойида иштирок этиш режалаштирилган. Аввалроқ қурултойнинг асосий мавзуси пандемиядан кейинги даврда инсониятнинг маънавий-ижтимоий тараққиётида диний етакчиларнинг роли бўлиши ҳақида хабар берилган эди.