Rossiya kelasi yili harbiy xarajatlarni sezilarli darajada oshirishni rejalashtirmoqda. Xarajatlar 2024 yilda mamlakat yalpi ichki mahsulotining 6 foizini tashkil qiladi. Bu ko‘rsatkich 2023 yilda 3,9 foiz va 2021 yilda 2,7 foiz edi.
Hukumatning ustuvorliklari harbiy operatsiyalar fonida o‘zgarib bormoqda, bu esa oxiri ko‘rinmaydigan og‘ir moliyaviy xarajatlarni talab qiladi. Iqtisodiyot misli ko‘rilmagan xalqaro sanksiyalar bosimi ostida qolgan va Kreml mart oyida bo‘lib o‘tadigan prezidentlik saylovlariga tayyorgarlik ko‘rayotgan bir paytda harbiy xarajatlar kelgusi yilda ijtimoiy xarajatlardan oshib ketishi mumkin.
Hukumat muhokama qiladigan takliflar loyihasiga ko‘ra, harbiy xarajatlar joriy yilda 6,4 trillion rubldan 2024 yilda 10,8 trillion rublga (112 milliard dollar) ko‘tariladi.
2024 yilda ijtimoiy siyosatga sarflanadigan xarajatlar 7,5 trillion rublga yetishi rejalashtirilgan. Byudjet loyihasida 2024 yilda jami xarajatlar 36,6 trillion rubl miqdorida prognoz qilinmoqda, bu joriy yilga nisbatan 15 foizga ko‘pdir.
Harbiy xarajatlarning keskin o‘sishi va sanksiyalar taʼsiriga qaramay, hukumat 35 trillion rubldan ortiq daromadga umid qilmoqda, bu 2023 yilga nisbatan 22 foizga ortiq.