Rossiya bosh vaziri Mixail Mishustin 14-martdan boshlab Yevroosiyo iqtisodiy ittifoqi davlatlariga don va uchinchi davlatlarga shakar eksportini vaqtinchalik taqiqlash haqidagi farmonni imzoladi.
Bu haqda Vazirlar Mahkamasi matbuot xizmati xabar berdi.
“Rossiya 2022-yil 31-avgustga qadar YEOII mamlakatlariga don eksportini, shuningdek, shakar va shakarqamish xomashyosini uchinchi davlatlarga eksport qilishni vaqtinchalik taqiqlaydi", – deyiladi xabarda.
Vazirlar Mahkamasi qarorida qayd etilganidek, don mahsulotlarini taqiqlash bug‘doy va meslin (bug‘doy va javdar aralashmasi), javdar, arpa va makkajo‘xori uchun amal qiladi.
Shakar va donni eksport qilishda ushbu mahsulotlarni Rossiyadan tashqariga gumanitar yordam ko‘rsatish uchun, shuningdek, xalqaro tranzit tashuvlar doirasida olib chiqish mumkin bo‘ladi", — deya taʼkidlaydi hukumat.