Rossiyada ba’zi texnik va tibbiyot sohalari vakillari IT mutaxassislaridan ko‘proq daromad olayotgani ma’lum bo‘ldi. Mustaqil HR-mutaxassislarning aniqlashicha, tokarlik kasbi egalari oyiga 300 ming rubl va undan ko‘proq maosh olishmoqda.
Xususiy klinikalarda faoliyat yuritayotgan jarrohlarning oylik daromadi 300 mingdan 500 ming rublgacha yetadi. Stomatolog-implantologlar esa oyiga 500 mingdan 1 million rublgacha, ba’zida undan ham ko‘proq daromad olishmoqda.
Shuningdek, premium segmentdagi kosmetolog shifokorlarining oylik maoshlari 300–400 ming rubl atrofida bo‘layotgani qayd etilgan.
Bu ma’lumotlar Rossiyada ayrim ixtisoslashgan kasblar, ayniqsa texnik va tibbiy sohalarda yuqori darajadagi mutaxassislar uchun talab va daromad barqaror oshib borayotganini ko‘rsatmoqda.