4-oktyabr kuni Rossiya Federatsiyasining bir qator hududlarida fuqarolik mudofaasi va yadroviy-kimyoviy ifloslanish oqibatlarini bartaraf etish bo‘yicha o‘quv mashg‘ulotlari bo‘lib o‘tdi. Bu haqida Baza Telegram kanali xabar berdi.
Mashg‘ulotlar, xususan, Anapa, Ulyanovsk, Kogalim, Buzuluk, Snejinsk va boshqa shaharlarda o‘tkazilgan.
Asosiy eʼtibor kimyoviy ifloslanish oqibatlarini bartaraf etishga qaratildi. Mashg‘ulotlarga kirish sifatida dushman tomonidan infratuzilma obyektlariga havodan yadroviy zarba berish holati ishlatilgan. Ikki kun oldin Rossiyada ommaviy ogohlantirish tizimlarining auditi o‘tkazilgandi.
Eslatib o‘tamiz25 sentyabr kuni Vladimir Putin Rossiya yadroviy doktrinasiga o‘zgartirish kiritilishini maʼlum qildi. AQSH va Yevropa Ittifoqi Putinning bayonotlarini masʼuliyatsizlik deb baholadi.