Latviya ham Rossiyaga qarshi sanksiyalardan aziyat chekishi maʼlum bo‘ldi. Bu haqda Sputnik xabar berdi.
Latviya transport vaziri Talis Linkayts mamlakat temiryo‘llarida tovarlar o‘tkazish hajmi 85 foizga kamayib ketadi. Bundan tashqari, Rossiyaning o‘zida ko‘plab mijozlar tovar va xizmatlardan voz kechgan. Rossiya bozorini tark etgan xorijiy kompaniyalar ham Latviya temiryo‘llaridan voz kechgan.
Linkaytsning so‘zlariga ko‘ra, hozirda temiryo‘l tranzitidan foydalanish davom etmoqda, ammo bu avvalgi tranzit marshrutlari oldida hech narsa emas.
Avvalroq Rossiya shakar va don eksportini taqiqlagani to‘g‘risida xabar berilgandi.