Rossiyalik milliarder Mixail Fridman Ukrainaga 1 milliard dollar berish evaziga o‘ziga qarshi sanksiyalarni bekor qilishni so‘radi. Bu haqda Wall Street Journal xabar berdi.
Maʼlumotlarga ko‘ra, biznesmen shu orqali Buyuk Britaniyaning o‘ziga qarshi joriy etgan cheklovlarini bekor qilinishiga erishmoqchi. WSJ‘ning qayd etishicha, bu rossiyaliklar tomonidan berilayotgan ilk taklif emas. Bundan avval ko‘plab rus milliarderlari va yirik banklar maxfiy ravishda ham shu kabi takliflar bilan chiqqan.
Fridmanning o‘zi yuqoridagi xabarni inkor qilgan bo‘lsa-da, Buyuk Britaniya TIV bunga o‘z munosabatini bildirgan.
“Buyuk Britaniya sanksiyalarni chetlab o‘tishga bo‘lgan harakatlarga yon bermaydi”, – deyiladi vazirlik axborotida.
Mixail Fridman Rossiyaning “Alfa-bank”i aksiyalari nazorat paketining egasi hisoblanadi. U va uning hamkorlari hisoblangan Petr Aven hamda German Xan Buyuk Britaniya va YеI sanksiyalari ro‘yxatiga tushgan. AQSH esa bankni “qora ro‘yxat”ga kiritgan.
Avvalroq Avstriya TIV Rossiyaga qarshi sanksiyalar olib tashlanishi mumkinligini maʼlum qildi.