Saida Mirziyoyeva Abu-Dabida Shayx Zoid nomidagi “Insoniy birodarlik” mukofoti g‘oliblarini taqdirlash marosimida ishtirok etish o‘zi uchun ulkan sharaf bo‘lganini ta’kidladi.
Prezident Administratsiyasi rahbari mukofot hakamlar hay’ati va tashkiliy qo‘mitadagi hamkasblariga samarali hamkorlik uchun minnatdorchilik bildirib, ushbu tajribani bebaho va ilhombaxsh deb baholadi.
Qayd etilishicha, insoniy birodarlik so‘zlarda emas, balki kundalik amallarda — har bir insonning qadr-qimmatiga hurmat, e’tibor va g‘amxo‘rlik orqali namoyon bo‘ladi.