Samarqand shahrining Qorasuv massivida 1,5 yoshli qizcha ko‘p qavatli uyning balkonidan tushib ketib, halok bo‘ldi. Bu haqda “Zamon.uz” ishonchli manbalari xabar bermoqda.
Ma’lum qilinishicha, voqea kecha, 9-iyun kuni massivdagi 81-sonli ko‘p qavatli uyda sodir bo‘lgan. 10-qavatda yashovchi oilaning 1,5 yoshli chaqalog‘i balkon panjarasining ochiq joyidan pastga tushib ketgan.
Mazkur uyning foydalanishga topshirilganiga 1 yildan oshgan. Shu vaqt oralig‘ida fuqarolarning balkondan yiqilib, vafot etishi bilan bog‘lik bir nechta holat qayd etilgan. Hususan, binoning 16-qavatidan keksa ayolning tushib ketgani va yana bir erkakning shu kabi o‘lim topgani aytilmoqda.
Holat yuzasidan hozircha rasmiy munosabat bildirilmadi.