Cамарқандда 1,5 ёшли қизча кўп қаватли уйнинг 10-қаватидан тушиб кетиб, ҳалок бўлди

Самарқанд шаҳрининг Қорасув массивида 1,5 ёшли қизча кўп қаватли уйнинг балконидан тушиб кетиб, ҳалок бўлди. Бу ҳақда “Zamon.uz” ишончли манбалари хабар бермоқда. 

Маълум қилинишича, воқеа кеча, 9 июнь куни массивдаги 81-сонли кўп қаватли уйда содир бўлган. 10-қаватда яшовчи оиланинг 1,5 ёшли чақалоғи балкон панжарасининг очиқ жойидан пастга тушиб кетган.

Мазкур уйнинг фойдаланишга топширилганига 1 йилдан ошган. Шу вақт оралиғида фуқароларнинг балкондан йиқилиб, вафот этиши билан боғлик бир нечта ҳолат қайд этилган. Ҳусусан, бинонинг 16-қаватидан кекса аёлнинг тушиб кетгани ва яна бир эркакнинг шу каби ўлим топгани айтилмоқда. 

Ҳолат юзасидан ҳозирча расмий муносабат билдирилмади.