Samarqand shahrida o‘z yashash uyida xo‘roz urishtirish uchun maxsus “arena” tashkil qilgan bir guruh shaxslar ushlandi. Bu haqda viloyat IIB matbuot xizmati xabar berdi.
Aniqlanishicha, ular 2016 yilda tashkil etilgan ushbu “arena”ga jang ko‘rish uchun jangga kelgan 220 nafar fuqaroning har biridan 25-30 ming so‘mdan olgan.
Qo‘lga olingan shaxslar tomonidan 1 mln 95 ming so‘m pul ashyoviy dalil sifatida hujjatlashtirib olindi.
Qayd etilishicha, o‘yinlar davomida tashkilotchi, pul yig‘uvchi, kunlik xizmatchi, ish yurituvchi va qo‘riqchi faoliyat yuritgan.
O‘yin tashkilotchisiga nisbatan "qamoqqa olish" ehtiyot chorasi qo‘llanilgan. Hozirda tergov harakatlari olib borilmoqda.