Samarqand viloyatida Chiqindilarni boshqarish va sirkulyar iqtisodiyotni rivojlantirish boshqarmasi tashabbusi bilan respublikada ilk bor yerosti chiqindi saqlash tizimi yo‘lga qo‘yildi. Yangi majmua Samarqand shahrining Qorasuv massivi “Obod maskan” mahallasida joylashtirildi.
Mazkur majmua 2 metr chuqurlikda qurilgan bo‘lib, unda har biriga ikkidan jami to‘rtta maxsus konteyner o‘rnatilgan. Konteynerlar sig‘imi 3 kub metr (550 litr) bo‘lib, 1000–1500 nafar aholiga xizmat ko‘rsatish imkoniyatini beradi.
Kelgusida hududda yana 5 ta shunday yerosti chiqindi saqlash majmuasi barpo etilishi rejalashtirilgan.
Mahalliy aholi tashabbusni mamnuniyat bilan qarshi oldi. Ularning fikricha, yangi tizim chiqindilarning shamol yoki hayvonlar sabab yer ustiga tarqalishini oldini oladi, issiq kunlarda noxush hidlarni kamaytiradi va qulaylik yaratadi.