Kecha, 4 avgust kuni Samarqand shahridagi “Afrosiyob” tepaligida yong‘in sodir bo‘ldi. Holat yuzasidan Favqulodda vaziyatlar vazirligi maʼlumot berdi.
Qayd etilishicha, soat 11:21 da Samarqand shahar I. Karimov ko‘chasida joylashgan “Afrosiyob” tepaligida yong‘in sodir bo‘layotgani to‘g‘risida viloyat FVBga xabar kelib tushgan. Voqea joyiga 2 ta yong‘in-qutqaruv ekipajlari jalb etilgan. Yong‘inga soat 11:33 da yetib borgan va soat 12:36 da yong‘in to‘liq bartaraf etilgan.
Yong‘in natijasida tepalikning taxminan 50 sotix maydonda xas-xashak yongan.
Hodisa oqibatida jabrlanganlar yo‘q. Hozirda yong‘inning kelib chiqish sabablari o‘rganilmoqda.