Кеча, 4 август куни Самарқанд шаҳридаги «Афросиёб» тепалигида ёнғин содир бўлди. Ҳолат юзасидан Фавқулодда вазиятлар вазирлиги маълумот берди.
Қайд этилишича, соат 11:21 да Самарқанд шаҳар И. Каримов кўчасида жойлашган «Афросиёб» тепалигида ёнғин содир бўлаётгани тўғрисида вилоят ФВБга хабар келиб тушган. Воқеа жойига 2 та ёнғин-қутқарув экипажлари жалб этилган. Ёнғинга соат 11:33 да етиб борган ва соат 12:36 да ёнғин тўлиқ бартараф этилган.
Ёнғин натижасида тепаликнинг тахминан 50 сотих майдонда хас-хашак ёнган.
Ҳодиса оқибатида жабрланганлар йўқ. Ҳозирда ёнғиннинг келиб чиқиш сабаблари ўрганилмоқда.