Ijtimoiy tarmoqda Samarqand viloyati Kattaqo‘rg‘on tumanidagi “Elmurod Qurbonov” nomli fermerlar uyushmasida mudhish qotillik yuz bergani haqida xabarlar tarqaldi. Viloyat prokuraturasi holat yuzasidan rasmiy munosabat bildirdi.
Ma’lum qilinishicha, voqea 8-may kuni Kattaqo‘rg‘on tumani “Nayman” mahallasi sodir bo‘lgan.
Sud tibbiy ekspertining ma’lumotnomasiga ko‘ra, marhum F.Q.ning tanasida, ya’ni o‘ng yelka bo'g‘imi, o‘ng tirsak bug‘imi, o‘ng tizza bug‘imi sohasida, hamda ko‘krak qafasi chap tomonida shilinmalari, ko‘krak qafasi orqa yuzasida sanchilib kesilgan yaralari, ko‘krak qafasi orqa yuzasi plevra bo‘shlig‘iga teshib o‘tib, ikkala o‘pkani jarohatlovchi sanchilib kesilgan yaralari bo‘lib, marhumning o‘limi ichki va tashqi qon ketishdan kelib chiqqanligi ko‘rsatilgan.
Hozirda mazkur holat yuzasidan Kattaqo‘rg‘on tuman prokuraturasi tomonidan tomonidan O‘zbekiston Respublikasi JKning 97-moddasi 1-qismi bilan jinoyat ishi qo‘zg‘atilib, 2 nafar fuqaro gumonlanuvchi sifatida jalb qilinib, dastlabki tergov harakatlari tuman prokuraturasi tomonidan olib borilmoqda.