Bemorlar tuman tibbiyot birlashmasining yuqumli kasalliklar bo‘limiga ovqat toksikoinfeksiyasi tashxisi bilan yotqizilgan.
Taʼkidlanishicha, shifoxonaga 2021 yilning 13 iyul kuni 37 nafar, 14 iyul kuni 31 nafar bemor yotqizilgan.
Holat bo‘yicha viloyat sanitariya-epidemiologik osoyishtalik va jamoat salomatligi boshqarmasiga belgilangan muddatda xabar berilmagan. Masʼul tashkilot bu haqda 15 iyul kuni viloyat prokuraturasi orqali xabar topgan.
Qayd etilishicha, ko‘rsatilgan tibbiy yordam natijasida bemorlar ahvoli yaxshilanib, 19 iyul kuni barchasiga javob berilgan.
Eslatib o‘tamiz, avvalroq Oqqo‘rg‘ondagi bog‘chada 25 nafar bola zaharlangandi hamda Mirobod tumani va Oqqo‘rg‘on tumanidagi bog‘chalarda yuz bergan zaharlanishlar yuzasidan izoh berilgandi.