Беморлар туман тиббиёт бирлашмасининг юқумли касалликлар бўлимига овқат токсикоинфекцияси ташхиси билан ётқизилган.
Таъкидланишича, шифохонага 2021 йилнинг 13 июль куни 37 нафар, 14 июль куни 31 нафар бемор ётқизилган.
Ҳолат бўйича вилоят санитария-эпидемиологик осойишталик ва жамоат саломатлиги бошқармасига белгиланган муддатда хабар берилмаган. Масъул ташкилот бу ҳақда 15 июль куни вилоят прокуратураси орқали хабар топган.
Қайд этилишича, кўрсатилган тиббий ёрдам натижасида беморлар аҳволи яхшиланиб, 19 июль куни барчасига жавоб берилган.
Эслатиб ўтамиз, аввалроқ Оққўрғондаги боғчада 25 нафар бола заҳарланганди ҳамда Миробод тумани ва Оққўрғон туманидаги боғчаларда юз берган заҳарланишлар юзасидан изоҳ берилганди.