Reuters agentligi xabariga ko‘ra, G‘arb sanksiyalariga qaramay, xorijiy avtomobillar Xitoy orqali Rossiya bozoriga kirib kelishda davom etmoqda.
Ma’lumotlarga ko‘ra, BMW va boshqa yirik avtomobil ishlab chiqaruvchilar Rossiyaga to‘g‘ridan-to‘g‘ri avtomobil yetkazib berishni taqiqlagan. Shunga qaramay, ushbu avtomobillar vositachi kompaniyalar orqali rossiyalik dilerlarga yetib bormoqda.
Agentlik ta’kidlashicha, bunday import ulushi tobora oshib bormoqda. Xususan, 2025-yilda Rossiyada sotilgan xorijiy avtomobillarning deyarli yarmi Xitoy orqali olib kirilgan.
Mutaxassislar fikricha, bu holat Xitoyning logistika markazi sifatidagi roli kuchayib borayotganini hamda sanksiyalar sharoitida muqobil ta’minot zanjirlari shakllanayotganini ko‘rsatadi.