Reuters агентлиги хабарига кўра, Ғарб санкцияларига қарамай, хорижий автомобиллар Хитой орқали Россия бозорига кириб келишда давом этмоқда.
Маълумотларга кўра, BMW ва бошқа йирик автомобил ишлаб чиқарувчилар Россияга тўғридан-тўғри автомобил етказиб беришни тақиқлаган. Шунга қарамай, ушбу автомобиллар воситачи компаниялар орқали россиялик дилерларга етиб бормоқда.
Агентлик таъкидлашича, бундай импорт улуши тобора ошиб бормоқда. Хусусан, 2025-йилда Россияда сотилган хорижий автомобилларнинг деярли ярми Хитой орқали олиб кирилган.
Мутахассислар фикрича, бу ҳолат Хитойнинг логистика маркази сифатидаги роли кучайиб бораётганини ҳамда санкциялар шароитида муқобил таъминот занжирлари шаклланаётганини кўрсатади.