Saudiya Arabistoni 2024 yilning fevral oyida barcha mintaqalar uchun barcha turdagi neft narxini pasaytiradi, deya maʼlum qildi Saudi Aramco davlat kompaniyasi.
Osiyolik xaridorlar uchun narxlar bir barrel uchun 2 dollarga pasaytiriladi. Natijada Osiyoga yetkazib beriladigan neftning asosiy turi – Arab Light narxi Ummon va Dubay nefti savatchasiga nisbatan 1,5 dollarga qimmatroq bo‘ladi – bu 2021 yil noyabridan beri minimal ko‘rsatkichdir.
Fevral oyida AQSH uchun narxlar ham barreliga 2 dollarga, Shimoliy-G‘arbiy Yevropa va O‘rtayer dengizi mamlakatlari uchun bir barrel uchun 1,5-2 dollarga pasayadi.
Maʼlumot uchun, neft narxi 2020 yildan beri birinchi marta 2023 yilda pasaydi.