O‘zbekistonlik bokschi Shahram Gʻiyosov Las-Vegasda o‘zining professional boksdagi navbatdagi jangini meksikalik Kristian Gomesga qarshi o‘tkazdi.
10 raundga mo‘ljallangan jang to‘liq davom etdi. Shahram to‘rtinchi, yettinchi va o‘ninchi raundlarda raqibini nokdaun holatiga tushirib qo‘yishga erishdi.
Yakunda u ochkolar evaziga raqibi ustidan g‘olib chiqdi. Bu g‘alaba bilan Shahram yarimo‘rta vazn toifasida (-66,6 kg) IBF Shimoliy Amerika mintaqaviy chempionlik kamarini qo‘lga kiritdi.
Eslatib o‘tamiz, avvalroq Shahram Gʻiyosovning havaskor boksga qaytgani xabar qilingandi.